其實風水真係可以好科學....

有好多朋友同客人不時同我講,話佢地嘅家居風水有問題,撹到佢地病左好耐都唔可以好番,我會第一時間同佢地講:"病就揾醫生喇揾我無用架."係米覚得我厭錢"醒"咁呢??? 咁講真好多人都係病又唔睇醫生,自己以爲自己身體好會過一排會無事,又或者食两粒成葯又會康復,時間一耐小病都會變大病喇.到時唔好話醫生神仙都幫你地唔倒喇.

另外係風水上想幫助一下你嘅健康,不防將府上嘅厠所門同厨房門閂上.因爲在風水角度上厠所同厨房係有好多穢氣集中係到.

唔知點解好多人都鍾意打開厠所同厨房問架喎,我睇過咁多陽宅風水盤差不多個個客都犯左以上錯誤.

用科學解釋大家會明白多一點,厠所係大家解決嘅地方,你唔用者樓上樓下都無用架馬,咁樣D穢氣一樣會係D管到流通.就好似沙士事件就證明左尼一點喇.

另外厨房都係同一道理,平時煮食太多氣,所以閂門對屋企人嘅健康都會好好多.

只要大家係屋企嘅時候將厨厠門閂上,厠所門窗閂上嘅同時再開抽氣扇,煮野食嘅時候都一樣係咁做,大家自然會健康D啦. 最後祝大家身體健康.